चैत्र २०, सिन्धुली/ फिक्कल गाउँपालिका २ तीनघरेमा आगो निभाउने क्रममा जलेर एक जना वृद्धको मृत्यु भएको छ ।

घरबाट करिब १ कि.मी. को दुुरीमा रहेको खरबारीमा लागेको आगो निभाउने क्रममा फिक्कल गा.पा. २ तीनघरे निवासी ८२ वर्षीय बलबहादुर मगरको मृत्यु भएको प्रहरीले जनाएको छ ।

दिउँसो २ वजे खरपाखामा लागेको आगो निभाउनु गएको मगर साँझ ४:३० वजे सम्म नी घर नफर्किए पछि घर परिवार र छरछिमेकले खोजतलास गर्दा शरीर आंशिक जलि घोप्टो परि मृत्यु भएको अबस्थामा फेला परेको जिल्ला प्रहरी कार्यालय सिन्धुलीका सुचना अधिकारी प्रहरी नायव उपरिक्षक चिरञ्जीवी दाहालले जानकारी दिनु भयो । घटनाको थप अनुसन्धानको लागि ईलाका प्रहरी कार्यालय खुर्कोट र प्रहरी चौकी खाङ्शाङका प्रहरी टोलि खटिएको प्रहरी नायव उपरिक्षक दाहालले जानकारी दिनु भयो ।