सिन्धुली /  आईतबार सिन्धुलीको मदन भण्डारी राजमार्ग अन्तर्गत दुधौली नगरपालिका २ गागनमा बस र मोटरसाइकल एक आपसमा ठक्कर खाँदा एक जनाको मृत्यु भएको छ भने अर्का एक जना गम्भीर घाइते भएका छन् ।
मृत्यु हुनेमा दुधौली नगरपालिका ३ का २५ वर्षीय महेश कुमर रहेका छन् । महेशको उपचारको क्रममा मृत्यु भएको हो ।
बिहान पोखराबाट कटारी तर्फ जाँदै गरेको बा ३ ख ७४६२ नम्बरको बस र डकाहाबाट झुगा तर्फ आउँदै गरेको ज ८ प ८१६४ नम्बरको मोटरसाइकल एक अपसमा ठक्कर खाइ दुर्घटना भएको थियो । घटनापछि बस चालक फरार रहेका छन् ।
त्यस्तै घाइते हुनेमा कमलामाइ नगरपालिका १४ चन्दनपुरका २५ वर्षीय दिपेश कुमरको रहेका छन् । हाल उनको दुधौली नगर अस्पताल सिर्थौलीमा उपचार भई रहेको छ । दिपेशको अवस्था भने गम्भीर रहेको जिल्ला प्रहरी कार्यालय सिन्धुलीका प्रहरी नायव उपरीक्षक सूर्य प्रकाश सुवेदीले  जानकारी दिनुभयो । उहाँको अनुसार बस चालक फरार रहेकाले खोजी कार्य भईरहेको छ ।