करिब चार हजार हेक्टर वनमा डढेलो लाग्दा एक जनालाई पनि कारवाही हुन सकेन
वनमा डढेलो लगाउने व्यक्तिको पहिचान खुले हदैसम्मको कारवाही गर्छाैँ : डिएफओ धिताल
-
वैशाख १७, सिन्धुली/सिन्धुलीको सामुदायिक वनहरुमा चैतको पहिलो हप्ताबाटै डढेलो सुरु भयो । डढेलोले वनमा हुर्कँदै गरेका बोटविरुवा, जङ्गली जनावार, व्यक्तिगत सम्पति तथा मानवीय क्षति समेत हुन पुग्यो ।
हालसम्म जिल्लाको ६ वटा पालिकामा ३ हजार ९ सय ७ हेक्टर जङ्गल डढेलोले प्रभावित भएको डिभिजन वन कार्यालय सिन्धुलीका प्रमुख प्रल्हाल प्रसाद धितालले जानकारी दिनुभयो । प्रमुख धितालका अनुसार हालसम्म सबैभन्दा बढी डढेलो तीनपाटन गाउँपालिकाको जङ्गलमा लागेको छ । तीनपाटनमा २ हजार १ सय १ हेक्टर क्षेत्रफल जङ्गलमा आगोलागि हुँदा गत आर्थिक बर्षमा गाउँपालिकाले बृक्षारोपण गरेको हजारौँ विरुवाहरु समेत नष्ट भएका छन् ।
त्यस्तै कमलामाई नगरपालिकाको भिमानको जङ्गलमा ९ सय २० हेक्टर क्षेत्रफल, शिद्धेश्वर २ सय ८७ हेक्टर र रानिबासको १ सय ३३ हेक्टर क्षेत्रफलमा डढेलो लागेको छ । हालसम्म दुधौलीको हर्षाही लगायत विभिन्न जङ्गलमा २८ हेक्टर क्षेत्रफलमा डढेलो लागेको छ भने गोलन्जोरको १ सय ३ हेक्टर जङ्गल डढेलोले प्रभावित भएको र फिक्कलको ३ सय ३५ हेक्टरमा आगो लागेको जानकारी दिइएको छ ।
वन डढेलो असारको पहिलो हप्तासम्म लाग्ने भएकोले अझै धेरै क्षेत्रफल डढेलोले ध्वस्त हुने वन कार्यालय सिन्धुलीका प्रमुख प्रल्हाल प्रसाद धितालले बताउनु भयो । “असारको पहिलो हप्तासम्म वनमा डढेलो लाग्छ । अझै धेरै क्षेक्रफलमा डढेलो लाग्ने सम्भावना छ । हाम्रो जस्तो देशमा प्राकृतिक तरिकाले डढेलो लाग्दैन । कृत्रिम तरिकाबाटै डढेलो लाग्ने हो । मानवीय कारणलेनै आज जङ्गलहरु ध्वस्त भइरहेको छ” धितालले भन्नुभयो ।
बाटो हिड्दै गर्दा चुरोट, बिडिका ठुटा फाल्दिने, जङ्गलमा वन्यजन्तु शिकार गर्ने क्रममा, लहैलहैमा अन्त डढेलो लागेको देखेर बालबालिकाले लगाइदिने र घाँस पलाउने लोभमा पाखोमा डढेलो लाग्ने गरेको पाइएको उहाँले बताउनुभयो । तर त्यत्ति धेरै ठाउँमा ठूलो क्षेत्रफल ध्वस्त बनाउने गरि आगलागी भएपनि त्यो आगो कसले लगायो भन्ने बारे भने अहिलेसम्म पहिचान हुन सकेको छैन । आगलागीले ठूलो वन क्षेत्र नोक्सान भएपनि त्यो आगो कसले लगाएको हो भन्ने समेत पहिचान हुन नसकेको प्रमुख धितालले बताउनुभयो ।
“डढेलोले ठूलो वनक्षेत्र ध्वस्त भएपनि त्यो आगो कसले लगाएको हो भन्ने बारे खुलाउँनै सकस छ । यो वर्ष पनि ठूलो वनक्षेत्र ध्वस्त भइरहे पनि आगजनी गर्ने व्यक्ति वा समूह पहिचान भएन । आगलागी गर्ने व्यक्ति पहिचान गर्न सहज छैन । हत्तपत्ति पक्राउ पनि परेका हुँदैनन” धितालले भन्नुभयाे । डिभिजन वन कार्यालय सिन्धुलीले बर्षेनी डढेलो नियन्त्रणका लागि विभिन्न कार्यक्रमहरु गर्दैआइरहेको छ । वन डढेलाबाट हुने क्षतिको बिषयमा स्थानीयहरुलाई हप्ताभरीनै प्रशिक्षण गराइने भएपनि प्रत्येक बर्ष वन डढेलोले ठूलो वनक्षेत्र ध्वस्त हुने गर्दछ ।
“अहिले जे जति ठाउँमा आगलागी भएको छ, त्यो सबै स्थानीयले नै लगाएका हुन स्थानीयलाई नै लक्षित गरेर आगोलागि बाट हुने क्षतिको बिषयमा प्रत्येक बर्ष सचेतनामूलक कार्यक्रम गर्छाैँ । वन डढेलो रोकिदैन । मान्छेले जानजान आगो लगाएका हुन् । त्यसमा स्थानीयबासि नै बढी जिम्मेवार हुनुपर्छ” उहाँले भन्नुभयो । वनमा आगो लगाउने करिब सतप्रतिशत व्यक्ति नै स्थानीय हुने भएपनि कारवाहीमा पर्ने डरले आगो लगाउने व्यक्ति खुल्न नचाहँदा समस्या थपिएको उहाँले बताउनु भयो ।
जिल्लाका सामुदायिक वनका पदाधिकारीहरु वन डढेलो नियन्त्रणका लागि सक्रियताका साथ लाग्न जरुरी रहेको धितालको भनाई छ । वनमा डढेलो लगाउने व्यक्तिको पहिचान गर्न सामुदायिक वनका पदाधिकारीहरुले सहयोग गर्नुपर्ने उहाँले बताउनुभयो । वनमा डढेलो लगाउने व्यक्ति पक्राउ नपरेको कारण पनि ठूलो वनक्षेत्र ध्वस्त हुने गरेको छ । सामुदायिक वनहरुको वन विकास कोषमा भएको रकम प्रयोग गरेर भएपनि वनमा डढेलो लगाउने व्यक्ति पहिचान गर्न आग्रह गर्दै धितालले पहिचान खुलेको व्यक्तिलाई कानून बमोजिम कारवाही गरिने प्रतिवद्धता व्यक्त गर्नुभयाे ।
पटक पटक डढेलो लगाउने व्यक्तिको पहिचानको लागि सामुदायिक वनहरुसँग आग्रह गरिएको उहाँले बताउनुभयो । अन्य जो कोहिले पनि त्यस्ता व्यक्तिको पहिचान खुलाएर डिभिजन वन कार्यालयमा जिम्मा लगाउने हो भने कारवाहीको लागि तयारी रहेको धितालले बताउनुभयो ।
वन ऐन २०७६ दफा ५० को उपदफा ४ अनुसार वन डढेलो लगाएर कसुर गर्नेलाई क्षति भएको विगो असुल गरि तीनवर्षसम्म कैद वा ६० हजार रुपैयाँसम्म जरिवाना वा दुवै सजाय हुने उल्लेख छ । जिल्लाको ९ वटा पालिका मध्ये ५ वटा पालिका वन डिभिजन कार्यालय सिन्धुलीको जिम्मेवारीमा छ भने वन डिभिजन कार्यालय मरिणको जिम्मेवारी भित्र ४ वटा पालिका पर्दछ ।
News Desk 0 response आइतवार, बैशाख १६, २०८१
सम्बन्धित शीर्षकहरु
जिल्लामा मुख्यमन्त्री स्वास्थ्य कार्यक्रम प्रभावकारी बन्दै, ६ सयले सेवा लिए
आइतवार, बैशाख ३०, २०८१मरिणका आमा बाबु विहिन ६० बालबालिकालाई भत्ता वितरण
शनिबार, बैशाख २९, २०८१सिन्धुली अस्पतालको नवनिर्मित भवन असार मसान्तमा हस्तान्तरण गरिने
शुक्रबार, बैशाख २८, २०८१सुनकोशी–मरिण डाइभर्सनको सुरुङ ‘ब्रेक थ्रु’
बुधबार, बैशाख २६, २०८१-
जिल्लामा मुख्यमन्त्री स्वास्थ्य कार्यक्रम प्रभावकारी बन्दै, ६..
आइतवार, बैशाख ३०, २०८१ -
मरिणका आमा बाबु विहिन ६० बालबालिकालाई भत्ता..
शनिबार, बैशाख २९, २०८१ -
सिन्धुली अस्पतालको नवनिर्मित भवन असार मसान्तमा हस्तान्तरण..
शुक्रबार, बैशाख २८, २०८१ -
सुनकोशी–मरिण डाइभर्सनको सुरुङ ‘ब्रेक थ्रु’
बुधबार, बैशाख २६, २०८१ -
सरकारले गरेको राम्रो काम जनतालाई बुझाउन प्रधानमन्त्री..
बुधबार, बैशाख २६, २०८१
-
जिल्लामा मुख्यमन्त्री स्वास्थ्य कार्यक्रम प्रभावकारी बन्दै, ६..
आइतवार, बैशाख ३०, २०८१ -
मरिणका आमा बाबु विहिन ६० बालबालिकालाई भत्ता..
शनिबार, बैशाख २९, २०८१ -
सिन्धुली अस्पतालको नवनिर्मित भवन असार मसान्तमा हस्तान्तरण..
शुक्रबार, बैशाख २८, २०८१ -
सुनकोशी–मरिण डाइभर्सनको सुरुङ ‘ब्रेक थ्रु’
बुधबार, बैशाख २६, २०८१ -
सरकारले गरेको राम्रो काम जनतालाई बुझाउन प्रधानमन्त्री..
बुधबार, बैशाख २६, २०८१
-
पिपलभञ्ज्याङदेखि मैवलेसम्मको ग्रामिण सडक स्तरोन्नति
शुक्रबार, बैशाख २१, २०८१ -
ड्रोनको सहायताले वनमा आगो सल्काउने व्यक्तिको पहिचान..
आइतवार, बैशाख २३, २०८१ -
बागमती प्रदेशको बार्षिक योजना तथा दोस्रो आवधिक..
शुक्रबार, बैशाख २१, २०८१ -
खाङसाङ प्रहरी चौकीलाई डढेलो रोकथाम तथा नियन्त्रणका..
सोमवार, बैशाख २४, २०८१ -
सिन्धुली अस्पतालको नवनिर्मित भवन असार मसान्तमा हस्तान्तरण..
शुक्रबार, बैशाख २८, २०८१