सिन्धुली / प्रविधीको सही प्रयोग गरौ लैङ्गिक हिंसा अन्त्य गरौं भन्ने नाराका साथ सुरु भएको ‘लैङ्गिक हिंसा बिरुद्धको १६ दिने अभियानको’ छैटौं दिन आज आईतबार पनि सिन्धुलीमा विभिन्न सचेतनामुलक तथा अन्तरक्रियात्मक कार्यक्रम गरी मनाईएको छ ।
१६ दिने अभियान अन्तरर्गत जिल्लाका स्थानिय तह तथा विभिन्न सरोकारवाला कार्यालय तथा संघ संस्थाबाट सचेतना सँगै अन्तरक्रियात्मक कार्यक्रमहरु भईरहेका छन् ।
सो अभियान अन्तरर्गत आज कमलामाई नगरपालिकाको आयोजना तथा वडा नम्बर ८ को समन्वयमा सम्वन्ध विच्छेदका कारण परिवारमा परेको असरका बारेमा सरोकारवाला बीच अन्तरक्रिया गरिएको छ ।
सो कार्यक्रममा वक्ताहरुले सम्वन्ध विच्छेदले समाज, परिवारका सदस्य सँगै सन्ततीहरुलाई समेत नराम्रो असर गर्ने भएकाले यसलाई न्युनिकरण गर्नुपर्ने बताएका थिए ।
कमलामाई नगरपालिका ८ का अध्यक्ष कोमल कुमार श्रेष्ठको अध्यक्षतामा भएको कार्यक्रममा वडा स्तरका सरोकारवाला निकायका प्रमुख तथा प्रतिनिधी, सहयोगी संस्थाका प्रमुख तथा प्रतिनिधी लगायतको सहभागिता रहेको थियो ।
सो अभियान हरेक वर्ष नोभेम्बर २५ देखि सुरु गरी डिसेम्बर १० सम्म विभिन्न कार्यक्रमहरुको आयोजना गरी संचालन गरीने छ ।