सिन्धुली  / लैङ्गिक हिंसा विरुद्धको १६ दिने अभियानको पाँचौ दिन सिन्धुलीमाढीमा आज सनिबार लैंङ्गिक हिंसा निवारणका लागि पुरुष सहभागिता प्रबर्धन तथा अभिमुखिकरण कार्यक्रम सम्पन्न भएको छ ।
कमलामाई नगरपालिकाको आयोजनामा भएको उक्त कार्यक्रम कमलामाई नगरपालिका वडा नं ५ का वडा अध्यक्ष पूर्ण बहादुर खड्काको अध्यक्षता तथा नगरका उप प्रमुख मन्जु देवकोटाको प्रमुख आतिथ्यतामा गरिएको हो । प्रस्तुतिकरण सहितको अभिमुखिकरण सामाजिक विकास शाखा प्रमुख तुलसी प्रसाद कोइराला दिनुभएको थियो ।
उक्त कार्यक्रममा लैङ्गिक हिंसाले महिलालाई मात्र होइन, पुरुषहरूलाई पनि सधैं बलियो र भावनाशून्य हुनै पर्ने भन्ने हानिकारक दबाब दिएको छ ।
त्यस्तै कार्यक्रमलाई समोधन गर्दे उप प्रमुख देवकोटाले हिंसा भएको ठाउँमा न्याय र सम्मानको पक्षमा सबैले खुलेर उभिनुपर्ने बताउनुभयो ।त्यस्तै उहाँले पुरुषहरूले केवल ’सहभागी’ मात्र नभई ’जिम्मेवार अभिभावक’ र ’लैङ्गिक समानताको पहरेदार’ को भूमिका पनि निभाउनु बताउन हुदैँ लैङ्गिक हिंसा अन्त्यका लागि पुरुषको सकारात्मक सहभागिता अपरिहार्य छ, त्यसैले आजको अभिमुखीकरणबाट प्राप्त ज्ञानलाई आ–आफ्नो घर र टोलमा लागू गरी सुरक्षित र सम्मानित वडा निर्माणको अभियानमा सक्रियतापूर्वक जुट्न सबैलाई वडा अध्यक्षहरु लाई आग्रह समेत गर्नुभयो ।
प्रविधिको सहि सदुपयोग गरौं, लैगिङ्क हिंसा अन्त्य गरौ भन्ने मुल नाराका साथ संचालन भएको सो कार्यक्रममा सामाजिक विकास शाखा प्रमुख, महिला बालबालिका तथा समाज कल्याण शाखाका कर्मचारीहरु , सूचना प्रविधि शाखा तथा वडा कार्यालयका कर्मचारीहरु र स्थानीय श्रीमान् श्रीमतीका १७ जोडिहरुको सहभागिता रहेको थियो ।