सिन्धुली/सिन्धुलीको मरिण गाउँपालिकामा भिरबाट लडेर एक महिलाको ज्यान गएको छ। मरिण गाउँपालिका वडा नम्बर १ भदौरेकी ३० वर्षीय मंगलीमाया राना (आले) को भिरबाट लडेर मृत्यु भएको हो।

मंगलीमाया बुधबार विद्यायल तर्फ गएकी  थिइन् तर विद्यालय सम्म नपुगेको र साझँ अबेर सम्म पनि घर नफर्किय पछि उनको आफन्त लगायत स्थानीयहरुले खोज्दै जाने क्रममा भदौरे मोटर कच्ची सडक देखि अन्दाजी ७० मिटर तल झरि मृत्यु भएको अवस्थामा भेटिएको प्रहरीले जनाएको छ ।

राना मरिण गाउँपालिका स्थित श्री आधारभुत बिद्यालय भदौरेको कार्यलय सहयोगी हुन् । घटनाबारे प्रहरीले अनुसन्धान गरिरहेको प्रहरीले जानकारी दिएको छ।