कार्तिक १६, सिन्धुली/सिन्धुलीको दुधौली नगरपालिकामा बसको ठक्करबाट एकजना पैदल यात्रीको मृत्यु भएको छ ।

मदन भण्डारी राजमार्ग अन्तर्गत दुधौली नगरपालिका वडा नम्बर ४ एक हटियामा काठमान्डौँबाट कटारीतर्फ जाँदै गरेको प्रदेश २–०३–००१ ख ७१२५ नम्बरको यात्रु बाहक बसले ठक्कर दिँदा पैदलयात्रीको मृत्यु भएको हो । नाम, वतन नखुलेकी अन्दाजी ५१ बर्षीय महिलालाई सडक क्रस गर्ने क्रममा बसले ठक्कर दिएको जिल्ला प्रहरी कार्यालय सिन्धुलीका प्रहरि प्रवक्ता चिरन्जीवी दाहालले जानकारी दिनुभयो ।

टाउकोमा चोट लागेर गम्भिर घाइते भएकी महिलालाई उपचारको लागि प्राथमिक स्वास्थ्य केन्द्र सिर्थौलीमा लगेपनि उपचार गर्न नपाउँदै चिकित्सकले उनलाई मृत घोषणा गरेका थिए । मृतकको शव पोस्टमार्टमका लागि स्वास्थ्य केन्द्रमै राखिएको छ । बस चालक उदयपुर जिल्लाका ४९ बर्षीय मुखलाल तामाङ् र ठक्कर दिने बसलाई इलाका प्रहरी कार्यालय डकाहाले नियन्त्रणमा लिएर अनुसन्धान सुरु गरेको प्रहरीले जनाएको छ ।