असार २४,सिन्धुली/सिन्धुलीको तिनपाटन गाउँपालिका २ भिमस्थानमा नवनिर्मित शिव मन्दिरको उद्घाटन गरिएको छ । तिनपाटन गाउँपालिकाका अध्यक्ष कर्ण बहादुर थापाले नवनिर्मित शिव मन्दिरको उद्घाटन गर्नुभएको हो ।

उद्घाटन कार्यक्रमलाई सम्बोधन गर्नुहुँदै गाउँपालिका अध्यक्ष कर्ण कहादुर थापाले मन्दिरमा आउने भक्तजनहरुका लागि सार्बजनिक सौचालय र खानेपानीको धारा निर्माणको लागि तत्काल पहल गरिने बताउनु भयो । तिनपाटन गाउँपालिकाको पर्यटन प्रबद्र्धन हुने उदेश्य सहित निर्माण गरिएको शिव मन्दिरको ब्यवस्थापकीय पक्षमा आबश्यकता अनुसार बजेट विनियोजन गरिने अध्यक्ष थापाको भनाई छ ।

गाउँपालिकाका उपाध्यक्ष धन बहादुर पुलामी (अशोक) ले नारीहरुको माहान पर्व तिज लगायत अन्य चाडमा समेत अन्य स्थानमा धाएर जानुपर्ने बाध्यताको अन्त्य भएको भन्दै खुसी ब्यक्त गर्नुभएको छ । मन्दिर स्थापना गरेर मात्रै नहुने बताउनुहुदै उपाध्यक्ष पुलामीले ब्यवस्थापनमा पनि ध्यान दिन आग्रह गर्नुभएको छ ।
२ नम्बर वडाका वडा अध्यक्ष मुकुन्द पौडेलको अध्यक्षता तथा गाउँपालिकाका अध्यक्ष कर्ण बहादुर थापाको प्रमुख आतिथ्यतामा भएको कार्यक्रममा उपाध्यक्ष धन बहादुर पुलामी (अशोक),३ नम्बर वडा अध्यक्ष लाल बहादुर स्याङ्तान लगायतको उपस्थिती रहेको थियो ।